Driftsmedarbeidar bygg og eigedom

Me søkjer ein praktisk og allsidig driftsmedarbeidar med erfaring frå bygg og vedlikehald. Stillinga omfattar dagleg drift, tilsyn og vedlikehald av BKE sine bygg og eigedomar, både innvendig og utvendig. Du vil arbeide tett saman med driftsansvarleg, som også vil vere din næraste overordna.

Hva vi ser etter

Me ser etter deg som har erfaring frå bygg, vedlikehald eller handverksfag, og som trivst med praktisk og variert arbeid.

Fagbrev innan byggfag, målarfaget eller anna relevant handverksfag er ein fordel, men relevant praktisk erfaring kan kompensere for manglande fagbrev. Du må ha førerkort kl. B.

Arbeidsoppgaver

• Praktisk vedlikehald, mindre reparasjonar og bygningsmessige utbetringar

• Måling, overflatebehandling og anna innvendig og utvendig vedlikehald

• Plenklipping, stell av grøntområde og anna vedlikehald av uteareal

• Tilsyn med bygg, eigedomar og tekniske anlegg

• Registrering og oppfølging av feil og vedlikehaldsbehov i BKE sitt FDV system

• Kontakt med leigetakarar, brukarar og leverandørar

• Ved behov praktisk oppfølging av handverkarar og eksterne tenesteleverandørar

• Bestilling av materiell og mindre arbeid innanfor avtalte rammer

• Bidra til å ivareta den daglege drifta ved fråvær hos driftsansvarleg

Vi tilbyr

• Ei stilling med ein variert arbeidskvardag og mange ulike oppgåver innan bygg, eigedom og vedlikehald

• Eit godt og uformelt arbeidsmiljø med korte avgjerdsvegar og tett samarbeid

• God opplæring og støtte frå kollegaer

• Løn og arbeidsvilkår etter avtale